Happy Halloween! que viva o Samaín!

Os nenos e nenas  do cole trouxeron cabazas decoradas para participar no concurso de Halloween/Samaín 2018 da escola.

Aquí vos deixamos o vídeo coas súas obras.

Investigando o mundo das plantas

Como traballo de Lengua Castellana, comezamos a traballar as fichas. Esas tarxetas nas que temos que elixir os datos máis relevantes dun tema para que quede rexistro claro e conciso dos nosos descubrimentos.
Así aproveitando que temos un magnífico xardín e horto, baixamos a coñecer as plantas que xa forman parte do noso entorno máis cercano, a escola.
Coa axuda de César, o mestre de EF, que coida e ensina a coidar do horto e xardín fomos coñecendo que tipos de plantas tiñamos e os seus nomes.
Recollimos unha folliña de cada planta e ao chegar ao aula buscanos na rede información sobre todas elas.
Nas nosas fichas recollimos como datos relevantes:
- Nome,
- tipo de planta,
- descripción,
- folla
Así quedaron...

Os pequerrechos e beebot

Unha hora a semana toca inglés no aula mixta de infantil e alí, os máis pequenos do cole, aprenden mediante xogos, cancións, vídeos e novas experiencias como a robótica.

Acaban de coñecer á Beebot e guíana a través do taboleiro para que atope cores e debuxos do tempo que vai fóra.

Con esta actividade non só practican inglés xa que tamén traballan as dirección ( adiante, atrás, dereita, esquerda) e os números.

Van Gogh. Vida e Obra

Na clase de plástica comezamos a investigar sobre quen foi Van Gogh. Para elo, investigamos en diferentes páxinas Web e así chegamos a rimasdecolores.blogspot.com na que nos presentaban dous libros adicados ao artista:
 "Camille y los Girasoles" de Laurance Anholt
e "Vincent Van Gogh" de Carme Martí e Rebeca Luciani.
Poidemos ler o primeiro conto e aprender moitos datos da súa vida.
O cadro  que máis nos gustou para representar foi a "natureza morta" xa que os xirasois foron un tema moi recorrente para Van Gogh.

Os trípticos

As nenas de 6º de EP temos un obradoiro ,un día a semana, no que traballamos a lingua de forma diferente.
Aprendemos a redactar, a resumir, a esquematizar, a facer propagandas, trípticos, novas...
Durante tres semanas estivemos recoletando trípticos informativos de diversos lugares e actividades a fin de coñecer como se fan e para que serven  entre outras cousas.
Posteriormente tocounos facer o noso tríptico, e como tema escollémolo noso cole.
Aquí vos deixo algún exemplo.